နယ်စပ်ရေးရာဝန်ကြီးဌာန၊ ပြည်ထောင်စုဝန်ကြီး ဒုတိယဗိုလ်ချုပ်ကြီးရဲအောင် ချင်းပြည်နယ်အတွင်းရှိ ဒေသဖွံ့ဖြိုးရေးလုပ်ငန်းများ ကြည့်ရှုစစ်ဆေး

by Thinmbadm1n / Dec 23, 2018 / comments

နေပြည်တော်၊ ဒီဇင်ဘာလ ၂၂ ရက်

          နယ်စပ်ရေးရာဝန်ကြီးဌာန၊ ပြည်ထောင်စုဝန်ကြီး ဒုတိယဗိုလ်ချုပ်ကြီးရဲအောင် နှင့် ချင်းပြည်နယ် ဝန်ကြီးချုပ်    ဦးဆလိုင်းလျန်လွယ်တို့သည်  ဒီဇင်ဘာ (၁၉) ရက် နှင့် (၂၀) ရက်တို့တွင်  ချင်းပြည်နယ်အတွင်းရှိ တီးတိန်နှင့် ရိခေါဒါရ်မြို့နယ်တို့၌ ဒေသဖွံ့ဖြိုးရေးလုပ်ငန်းများနှင့် လူ့စွမ်းအားအရင်းအမြစ်ဖွံ့ဖြိုးရေး လုပ်ငန်းများ ဆောင်ရွက်နေမှုကို ကြည့်ရှုစစ်ဆေးခဲ့သည်။

          ရှေးဦးစွာ နယ်စပ်ရေးရာဝန်ကြီးဌာနနှင့် အိန္ဒိယနိုင်ငံတို့ ပူးပေါင်းဆောင်ရွက်လျှက်ရှိသော အိန္ဒိယ-မြန်မာချစ်ကြည်ရေးစီမံကိန်းဖြစ်သည့် တီးတိန်မြို့နယ်၊ မဏိပူရ်မြစ်ကူးတံတား (ဖိရ်တွန့်)သို့ ရောက်ရှိရာ တာဝန်ရှိသူများက တံတားတည်ဆောက်နေမှု အခြေအနေများကို ရှင်းလင်းတင်ပြကြပြီး တင်ပြချက်များအပေါ်  ပြည်ထောင်စုဝန်ကြီးဒုတိယဗိုလ်ချုပ်ကြီးရဲအောင်က  တံတားရေရှည်တည်တံ့ခိုင်မြဲစေရေးအတွက် လိုအပ်သည်များ ညှိနှိုင်းပေါင်းစပ်ပေးခဲ့သည်။ ထို့နောက် မဏိပူရ်မြစ်ကူးတံတား (တွီးထန်) တံတားကြံ့ခိုင်မှု အခြေအနေကို ကြည့်ရှုစစ်ဆေး၍ တံတားခိုင်နိုင်ဝန်ထက်ပိုသော ယာဉ်များ မဖြတ်သန်းရေးအတွက် ဒေသခံပြည်သူလူထုနှင့် ချင်းပြည်နယ်အစိုးရအဖွဲ့တို့မှ ပူးပေါင်းကြပ်မတ် ဆောင်ရွက်နိုင်ရေးကို ညှိနှိုင်းပေါင်းစပ်ပေးခဲ့သည်။

          ဒီဇင်ဘာလ(၂၀)ရက် နံနက်ပိုင်းတွင် ပြည်ထောင်စုဝန်ကြီး ဒုတိယဗိုလ်ချုပ်ကြီး ရဲအောင်နှင့် ချင်းပြည်နယ် ဝန်ကြီးချုပ်ဦးဆလိုင်းလျန်လွယ်တို့သည် တီးတိန်မြို့၊ အမျိုးသမီး အိမ်တွင်းမှု သက်မွေးလုပ်ငန်းပညာ သင်တန်းကျောင်း အတွက် ၂၀၁၈- ၂၀၁၉ ဘဏ္ဍာရေးနှစ်၊ ပြည်ထောင်စုရန်ပုံငွေဖြင့် တည်ဆောက်မည့် (၂)ထပ် ကျောင်းဆောင်နှင့် အုပ်ချုပ်မှုရုံး တည်ဆောက်မည့် လုပ်ငန်းခွင်သို့ ရောက်ရှိကြပြီး ကျောင်းဆောင်သစ်ကို ပန္နက်တင်ပေးခဲ့ကြသည်။

ထို့နောက်သင်တန်းသူများကို လေ့ကျင့်သင်ကြားပေးနေသော အခြေခံနှင့် အဆင့်မြင့်စက်ချုပ်  သင်တန်းဆောင်၊ အိပ်ဆောင်နှင့် စားရိပ်သာတို့အား လှည့်လည်ကြည့်ရှုစစ်ဆေးခဲ့သည်။

ဆက်လက်၍ နယ်စပ်ဒေသနှင့် တိုင်းရင်းသား လူငယ်များ ဖွံ့ဖြိုးရေးသင်တန်းကျောင်း ၌  သင်တန်းသား၊ သင်တန်းသူများအား တွေ့ဆုံ၍ တိုင်းရင်းသားလူငယ်များအနေဖြင့် ပညာသင်ကြားရာတွင် ခံယူရမည့် သဘောထားများ၊ အခြေခံပညာအထက်တန်း အောင်ချက်ကောင်းမွန်ရေး ကြိုးပမ်းကြရန်နှင့် ဒေသအကျိုး၊ နိုင်ငံ့အကျိုးကို ဆတက်ထမ်းပိုး ထမ်းဆောင်နိုင်သူများဖြစ်အောင် လေ့ကျင့်သင်ကြားကြရန်၊ ကိုယ်ပိုင် အားလပ်ချိန်များတွင် စာအုပ်၊ စာပေများ ဖတ်ရှုလေ့လာခြင်း၊ အလေ့အကျင့် ကောင်းများ ရရှိရေးအတွက် စေတနာထား လေ့ကျင့်သင်ကြားပေးကြရန် မှာကြား၍ ကျောင်း၏ လိုအပ်ချက်များအား ညှိနှိုင်းပေါင်းစပ် ဖြည့်ဆည်း ပေးခဲ့သည်။

          ထို့နောက် ဒေသဖွံ့ဖြိုးမှုကြီးကြပ်ရေးရုံး၌ ဦးစီးဌာန၏ တည်ဆောက်ရေးလုပ်ငန်းများ ဆောင်ရွက်ထားရှိမှု အခြေအနေများကို ကြည့်ရှုစစ်ဆေးခဲ့ပြီး ဝန်ထမ်းများနှင့် တွေ့ဆုံ၍ ဒေသဖွံ့ဖြိုးရေးလုပ်ငန်းများ ဆောင်ရွက်ရာတွင် တာဝန်သိမှု၊ တာဝန်ယူမှု၊ တာဝန်ခံမှုတို့ဖြင့် စေတနာထားပြီး အောင်မြင်အောင် ကြိုးပမ်းဆောင်ရွက်ကြရန် မှာကြားခဲ့သည်။

          မွန်းလွဲပိုင်းတွင်  ဖလမ်းခရိုင်၊ ရိခေါဒါရ်မြို့ရှိ   အခြေခံပညာအထက်တန်းကျောင်းခွဲတွင် အိန္ဒိယနိုင်ငံ၏ အထောက်အပံ့ရန်ပုံငွေဖြင့် တည်ဆောက်ပြီးစီးခဲ့သည့် (၂)ထပ် ကျောင်းဆောင်ကို ကြည့်ရှုစစ်ဆေးခဲ့သည်။

ထို့နောက် ရိခေါဒါရ်မြို့ ရေရရှိရေးအတွက် သီးကျီရ် ရေထွက်မှ (၂၀/၀)မိုင်နှင့် (၁၅/၀)မိုင်အကွာ ရေပေးဝေရန် လျာထားသည့်နေရာသို့ ရောက်ရှိခဲ့ပြီး ရေရရှိနိုင်ရေးအတွက်  ကွင်းဆင်းလေ့လာ ထားရှိမှု အခြေအနေများကို    တာဝန်ရှိသူများက  ရှင်းလင်းတင်ပြခဲ့ရာ  ပြည်ထောင်စုဝန်ကြီးနှင့် ပြည်နယ်ဝန်ကြီးချုပ်တို့က    ညှိနှိုင်းပေါင်းစပ်ပေးခဲ့သည်။

          နယ်စပ်ရေရာဝန်ကြီးဌာနအနေဖြင့် နယ်စပ်ဒေသများဖွံ့ဖြိုးတိုးတက်ရန်အတွက်နယ်စပ်ဒေသဖွံ့ဖြိုးရေး အခြေခံအဆောက်အအုံများ တည်ဆောက်ပေးရေး နှင့် လူ့စွမ်းအားအရင်းအမြစ်ဖွံ့ဖြိုးရေးဟူသည့် အဓိက တာဝန် (၂) ရပ်ကို အကောင်အထည်ဖော်ဆောင်ရွက်လျှက်ရှိရာတွင် နိုင်ငံတော်ရန်ပုံငွေဖြင့်သာမက နှစ်နိုင်ငံ ပူးပေါင်းဆောင်ရွက်မှု အပါအ၀င် နိုင်ငံတကာအဖွဲ့အစည်းများနှင့် ပူးပေါင်းဆောင်ရွက်လျှက်ရှိရာ အရှည်(၃၁၀)ပေ၊ အကျယ်(၁၂)ပေ ရှိ မဏိပူရ်မြစ်ကူးတံတား (ဖိရ်တွန့်) ကို အိန္ဒိယနိုင်ငံ၏ ထောက်ပံ့ရန်ပုံငွေ  ကျပ် (၆၃၈.၀၅၄) သန်း နှင့် အရှည်(၄၀၀)ပေ၊ အကျယ် (၁၄) ပေရှိ မဏိပူရ်မြစ်ကူးတံတား (တွီးထန်) ကို ခွင့်ပြုရန်ပုံငွေ ကျပ် (၆၆၀.၀၀၀) သန်းဖြင့် တည်ဆောက်ထားသည်။ အဆိုပါတံတားများကို  ဒေသန္တရလမ်း/တံတားကော်မတီ၏ စံချိန်စံညွှန်း  သတ်မှတ်ချက်နှင့်အညီ   ကျေးလက်တံတားခံနိုင်ဝန် (၁၃) တန်ဖြင့် တည်ဆောက်ထားခြင်း ဖြစ်ကြောင်း သတင်းရရှိသည်။