ကယားပြည်နယ်၊ လွိုင်ကော်မြို့နယ်၊ ထီးစဲခါးကျေးရွာအုပ်စု၊ ကွန်နားကျေးရွာ အခြေခံပညာအထက်တန်း ကျောင်း(ခွဲ) RCC (၂)ထပ် စာသင်ကျောင်းဆောင်သစ်ဖွင့်ပွဲနှင့် လွှဲပြောင်းပေးအပ်ပွဲ အခမ်းအနား ကျင်းပ

by Thinmbadm1n / Jun 15, 2015 / comments

နေပြည်တော်၊  ၂၀၁၅ခုနှစ် ဇွန်လ(၁၅)ရက်

   ကယားပြည်နယ်၊ လွိုင်ကော်မြို့နယ်၊ ထီးစဲခါးကျေးရွာအုပ်စု၊ ကွန်နားကျေးရွာ အခြေခံ ပညာ အထက်တန်းကျောင်း(ခွဲ) RCC (၂) ထပ် စာသင်ကျောင်းဆောင် သစ်ဖွင့်ပွဲနှင့် လွှဲပြောင်းပေးအပ်ပွဲ  အခမ်းအနားကို  ယမန်နေ့ ညနေပိုင်းတွင်  အဆိုပါ ကျောင်းဆောင်သစ်ရှေ့၌  ကျင်းပခဲ့ရာ နယ်စပ်ရေးရာ ၀န်ကြီး ဌာန ပြည်ထောင်စုဝန်ကြီး ဒုတိယဗိုလ်ချုပ်ကြီး သက်နိုင်ဝင်း၊ ကယားပြည်နယ် လုံခြုံရေးနှင့် နယ်စပ်ရေးရာဝန်ကြီး ဗိုလ်မှူးကြီး ဇော်မျိုးတင်၊ ပြည်နယ်လူမှုရေး ၀န်ကြီး  ဦးကိုးရယ်၊  ခရိုင်၊ မြို့နယ် အဆင့်ဌာနဆိုင်ရာများ၊ လွိုင်လင်လေး၊တီးလုံ၊ထီးစဲခါး ကျေးရွာအုပ်စုများအတွင်းရှိ ကျေးရွာ အုပ်ချုပ်ရေးမှူးများ၊ မြို့နယ် အထောက်အကူပြုကော်မတီဝင်များ၊ ကျောင်းအကျိုးတော် ဆောင်များ၊ ကယားရိုးရာ ယဉ်ကျေးမှုအဖွဲ့များနှင့်  ဒေသခံပြည်သူများ တက်ရောက်ခဲ့ပြီး ပြည်ထောင်စု ၀န်ကြီး၊ လုံခြုံရေးနှင့်နယ်စပ်ရေးရာဝန်ကြီးနှင့်  လူမှုရေးဝန်ကြီးတို့မှ ဖဲကြိုးဖြတ် ဖွင့်လှစ် ပေးခဲ့ပါသည်။

   အဆိုပါ ကျောင်းဆောင်သစ် လွှဲပြောင်းပေးအပ်ပွဲအခမ်းအနားကို  ကျောင်းဆောင်သစ်  အစည်းအဝေးခန်းမ၌  ဆက်လက်ပြုလုပ်ခဲ့ရာ  ပြည်ထောင်စုဝန်ကြီးမှ  အဖွင့်အမှာစကား ပြောကြားရာတွင် ၀န်ကြီးဌာနမှ လက်ရှိဆောင်ရွက်လျက်ရှိနေသော  ရည်မှန်းချက်၊ ရည်ရွယ်ချက်တာဝန်များ၊ နှစ်အလိုက် နယ်စပ်ဒေသဖွံ့ဖြိုး တိုးတက်ရေးနှင့် လူ့စွမ်းအားအရင်းအမြစ်  ဖွံ့ဖြိုးတိုးတက်ရေးတို့ အတွက်  ဆောင်ရွက်ပေးနေမှု အခြေအနေများ၊ အလုပ်အကိုင်အခွင့်အလမ်း ရရှိရေး အတွက် ဆောင်ရွက်ပေးနေမှု အခြေအနေများ၊ ဒေသတည်ငြိမ်အေးချမ်းရေးနှင့် ဖွံ့ဖြိုးတိုးတက်ရေးတို့အတွက်  ဒေသခံပြည်သူ လူထုမှ  လက်တွဲပူးပေါင်း ကြိုးပမ်းဆောင်ရွက်ရေးတို့အား  မှာကြားခဲ့ပြီး  ကျောင်းဆောင်သစ် ဆိုင်ရာအချက်အလက်များကို  ပြည်ထောင်စုဝန်ကြီးမှ  မြို့နယ်ပညာရေးမှူး  ဦးတိုးလှထံသို့  လွှဲပြောင်းပေးအပ်ခဲ့ပါသည်။

   ဆက်လက်၍  ပြည်ထောင်စုဝန်ကြီးမှ  အဆိုပါကျောင်းအတွက်  ဆိုလာမီးစုံများနှင့် ထောက်ပံ့ငွေများ၊ ယဉ်ကျေးမှုအဖွဲ့များအား ထောက်ပံ့ငွေများအား လည်းကောင်း အသီးသီးပေးအပ်ခဲ့ပြီးနောက် ကျောင်းအကျိုးတော်ဆောင်တစ်ဦးမှ  ကျေးဇူးတင်စကား ပြောကြားခဲ့ပြီး မြို့နယ် အထောက်အကူပြု  ကော်မတီ ၀င်များ၊ ပညာရေးဝန်ထမ်းများ၏  ဒေသဖွံ့ဖြိုးရေးဆိုင်ရာ  တင်ပြချက် များအပေါ် ပေါင်းစပ်ညှိနိုင်း ဆောင်ရွက်ပေးခဲ့ကာ  ကျောင်းဆောင်သစ်အား  လှည့်လည် ကြည့်ရှု့ စစ်ဆေးခဲ့ပါသည်။   

   ယခု  ဖွင့်လှစ်သော အခြေခံပညာ အထက်တန်းကျောင်း (ခွဲ) ကွန်နား RCC (၂) ထပ်    စာသင်ကျောင်းဆောင်သစ်အား      ၂၀၁၄-၂၀၁၅ ခု ဘဏ္ဍာရေးနှစ်  နယ်စပ်ဒေသဖွံ့ဖြိုးရေး ခွင့်ပြု ရန်ပုံငွေဖြင့်  ဆောင်ရွက်ပေးခဲ့ပြီး အဆိုပါ  ကျောင်းဆောင်သစ် ဖွင့်လှစ်နိုင်ခဲ့ခြင်းကြောင့်  လွိုင်လင်လေး၊ တီးလုံ၊ ထီးစဲခါး ကျေးရွာ အုပ်စုများအတွင်းရှိ  ကျေးရွာများမှ  ဒေသခံတိုင်းရင်းသား  ကျောင်းသား/ ကျောင်းသူများအနေဖြင့် အဆင့်မြင့် ပညာရေးအခွင့်အလမ်းများအား  ရရှိခံစားနိုင်တော့ မည်ဖြစ်ကြောင်း  သတင်းရရှိပါသည်။