ရှမ်းပြည်နယ် (မြောက်ပိုင်း) အစားထိုးသီးနှံ စိုက်ပျိုးရေးနှင့် ကျေးလက်ဒေသ ဖွံ့ဖြိုးရေး စီမံကိန်း၏ ပထမအကြိမ် စီမံကိန်း ပူးတွဲညှိနှိုင်းရေး ကော်မတီ အစည်းအဝေးကျင်းပ

by Thinmbadm1n / May 29, 2014 / comments

နေပြည်တော်မေ ၂၉

   နယ်စပ်ဒေသနှင့် တိုင်းရင်းသားလူမျိုးများ ဖွံ့ဖြိုးတိုးတက်ရေး ဦးစီးဌာန၊ စိုက်ပျိုးရေး ဦးစီးဌာနနှင့် ဂျပန် အပြည်ပြည်ဆိုင်ရာ ပူးပေါင်းဆောင်ရွက်ရေးအေဂျင်စီ (JICA) တို့ ပူးပေါင်း အကောင် အထည်ဖေါ်ဆောင်ရွက်လျက်ရှိသည့် ရှမ်းပြည်နယ် (မြောက်ပိုင်း) အစားထိုးသီးနှံ စိုက်ပျိုးရေးနှင့် ကျေးလက်ဒေသ ဖွံ့ဖြိုးရေး စီမံကိန်း၏ ပထမအကြိမ် စီမံကိန်း ပူးတွဲညှိနှိုင်းရေး ကော်မတီ အစည်းအဝေး အား ယမန်နေ့ နံနက် (၀၉း၃၀) နာရီတွင်နေပြည်တော် အမရာဟိုတယ် အစည်းအဝေးခန်းမ၌ ကျင်းပပြုလုပ်ခဲ့ပါသည်။ အစည်းအဝေးတွင် နယ်စပ်ရေးရာ ၀န်ကြီးဌာန၊ နယ်စပ်ဒေသနှင့် တိုင်းရင်းသား လူမျိုးများ ဖွံ့ဖြိုးတိုးတက်ရေး ဦးစီးဌာန ညွှန်ကြားရေးမှူးချုပ် ဦးထွေးလှမှ အဖွင့်အမှာစကား ပြောကြားရာတွင် စီမံကိန်း အနေဖြင့် ဒေသတွင်း စားသုံးသီးနှံများ၊ မျိုးကောင်းမျိုးသန့် ၀င်ငွေရသီးနှံများ၊ ခေတ်မှီ စိုက်ပျိုးရေး နည်းပညာများဖြင့် ဒေသခံ ပြည်သူများအား အကျိုးပြု စေမည့် စီမံကိန်း ဖြစ်ပါကြောင်း၊ ယခု စီမံကိန်း အနေဖြင့် ဂျပန် အပြည်ပြည်ဆိုင်ရာ ပူးပေါင်းဆောင်ရွက်ရေးအေဂျင်စီ၏ ထည့်ဝင်ငွေ အမေရိကန်ဒေါ်လာ (၆.၄၁) သန်းဖြင့် ၂၀၁၄ ခုနှစ်မှ ၂၀၁၈ ခုနှစ်အထိ ကျောက်မဲ၊ မူဆယ်နှင့် လောက်ကိုင်ဒေသများ၌ (၅) နှစ် ဆောင်ရွက်မည့် စီမံကိန်းဖြစ်ပါကြောင်း၊ဈေးကွက်ဝင် ၀င်ငွေရ စိုက်ပျိုးရေး ထုတ်ကုန်များ ဖန်တီးဆောင်ရွက်ပေးခြင်းဖြင့် နယ်စပ်ဒေသနှင့်ကျေးလက်ဒေသများ၏ ဖွံ့ဖြိုးတိုးတက်ရေး၊ ဘိန်းစိုက်ပျိုးမှု ကျဆင်းရေးကိုရေရှည်ထိန်းထားရေးနှင့် ဆင်းရဲနွမ်းပါးမှုလျော့ ချရေးတို့အတွက် များစွာ အထောက်အကူပြုသွားမှာဖြစ်ပါကြောင်းနှင့် စီမံကိန်း အပြည့်အ၀အောင်မြင်ရေးအတွက် ဂျပန်အပြည်ပြည်ဆိုင်ရာ ပူးပေါင်းဆောင်ရွက်ရေးအေဂျင်စီ၊ သက်ဆိုင်ရာ ၀န်ကြီးဌာနများ၊ဒေသခံပြည်သူ များမှ ၀ိုင်းဝန်း၍ တက်ညီလက်ညီဆောင်ရွက်သွားကြစေလိုကြောင်းဆွေးနွေးပြောကြားပါသည်။

   ထို့နောက် ရန်ကုန်မြို့ရှိ ဂျပန်အပြည်ပြည်ဆိုင်ရာ ပူးပေါင်းဆောင်ရွက်ရေးအေဂျင်စီ (Japan International Cooperation Agency) မှ Senior Representative ဖြစ်သူ Mr. Akihito Sanjo မှ ယခု စီမံကိန်းအနေဖြင့် ယခင် ရှမ်းပြည်နယ် (မြောက်ပိုင်း) တွင်ဆောင်ရွက်ခဲ့သည့် ဘိန်းစိုက်ပျိုးမှု ပပျောက်ရေး ဦးတည်ဆောင်ရွက်ခဲ့သော အစားထိုး ဖွံ့ဖြိုးရေး စီမံကိန်းများ၏ အတွေ့အကြုံများအပေါ် အခြေခံကာ ဘိန်းအစားထိုးလုပ်ငန်း အနေဖြင့် ၀င်ငွေရသီးနှံ မျိုးစုံနှင့် အခြားဝင်ငွေရ နည်းလမ်းမျိုးစုံဖြင့်ဆောင်ရွက်ခြင်း၊ ပုဂ္ဂလိက ကဏ္ဍပါဝင်လျက်ဈေးကွက်ရ သီးနှံရွေးချယ်ခြင်း၊ သက်ဆိုင်ရာတောင်သူများ၏ အဓိက တက်ကြွစွာ ပါဝင်ဆောင်ရွက်ခြင်း၊ စီမံကိန်း ပြီးနောက် အစိုးရဌာနများမှ ဆက်လက်ကူညီ ပံ့ပိုးသွားရန် လိုအပ်ခြင်းတို့ကို ဆွေးနွေးပြီး ဂျပန်ကျွမ်းကျင်ပညာရှင် များအတွက် ပြည်ဝင်ခွင့်ဗီဇာ ကိစ္စရပ်များနှင့် ခရီးသွားလာခွင့်များ၊ စီမံကိန်းနှင့် အံဝင်ခွင်ကျ ရှိမည့်နိုင်ငံသားဝန်ထမ်းများ တာဝန်ပေးအပ်ရေး ကိစ္စရပ်များနှင့် ရုံးဆိုင်ရာ ပံ့ပိုးမှုများကို ကူညီဆောင်ရွက်ပေးစေလိုပါကြောင်းပြောကြားသွားပါသည်။ ထို့နောက် အစည်းအဝေးသို့ တက်ရောက်လာကြသော စီမံကိန်းတွင် ပူးပေါင်းအကောင်အထည်ဖေါ်ဆောင်ရွက်ကြသည့် သက်ဆိုင်ရာ ၀န်ကြီးဌာနများမှ ကိုယ်စားလှယ်များမှ ၀ိုင်းဝန်းဆွေးနွေး အကြံပြုကြပါသည်။ ထို့နောက် နယ်စပ်ဒေသနှင့် တိုင်းရင်းသား လူမျိုးများ ဖွံ့ဖြိုးတိုးတက်ရေး ဦးစီးဌာန ညွှန်ကြားရေးမှူးချုပ် ဦးထွေးလှမှ နိဂုံးချုပ် အမှာစကားပြောကြားရာ၌ စီမံကိန်းအောင်မြင်ရေးအတွက် စီမံကိန်းမှ ကျွမ်းကျင်ပညာရှင်များ၊ စီမံကိန်း ပူးပေါင်းဆောင်ရွက်သည့် ဌာနများမှ ကိုယ်စားလှယ်များမှ တက်ကြွစွာဖြင့် ပူးပေါင်းဆောင်ရွက် သွားကြလိမ့်မည်ဟု ယုံကြည်မိပါကြောင်း၊ ဘိန်းအစားထိုးသီးနှံ စိုက်ပျိုးကြသည့် တောင်သူများ၏ လူမှုစီးပွား ဘ၀များမြင့်မားတိုးတက်ပြီးဒေသဖွံ့ဖြိုးတိုးတက်ရေး အတွက် များစွာ အကျိုးပြုနိုင်ရေးဆောင်ရွက်သွားကြရန်ဆွေးနွေးမှာကြားပြီးနေ့လည် (၁၂) နာရီအချိန်တွင် အစည်းအဝေး ပြီးဆုံးခဲ့သည်။ အဆိုပါ အစည်းအဝေးသို့ ရှမ်းပြည်နယ် အစိုးရအဖွဲ့ လုံခြုံရေးနှင့် နယ်စပ်ရေးရာ ၀န်ကြီး ဗိုလ်မှူးကြီးအောင်သူ၊ နယ်စပ်ဒေသနှင့် တိုင်းရင်းသား လူမျိုးများ ဖွံ့ဖြိုးတိုးတက်ရေး ဦးစီးဌာန၊ နိုင်ငံခြားစီးပွား ဆက်သွယ်ရေး ဦးစီးဌာန၊ စိုက်ပျိုးရေး ဦးစီးဌာန၊ စိုက်ပျိုးရေး သုတေသန ဦးစီးဌာန၊ မူးယစ်ဆေးဝါးနှင့် စိတ်ကိုပြောင်းလဲစေသောဆေးဝါးများ အန္တရာယ် တားဆီးကာကွယ်ရေး ဗဟိုအဖွဲ့၊ကျေးလက်ဒေသ ဖွံ့ဖြိုးတိုးတက်ရေး ဦးစီးဌာန၊ ပညာရေးနှင့်လေ့ကျင့်ရေး ဦးစီးဌာန၊ ကုန်သွယ်မှုမြှင့်တင်ရေး ဦးစီးဌာနတို့မှ ကိုယ်စားလှယ်များနှင့်မြန်မာနိုင်ငံ၊ ရန်ကုန်မြို့ရှိ ဂျပန်အပြည်ပြည် ဆိုင်ရာ ပူးပေါင်းဆောင်ရွက်ရေးအေဂျင်စီ မှ Senior Representativeဖြစ်သူ Mr.Akihito Sanjo၊ JICA စီမံကိန်းမှ ဂျပန်ကျွမ်းကျင်ပညာရှင်များ တက်ရောက်ကြကြောင်း သတင်းရရှိသည်။