ရခိုင်ပြည်နယ်အတွင်း မိုးသည်းထန်စွာရွာသွန်းမှုများကြောင့် ပျက်စီးခဲ့သည့် လမ်းပိုင်းအချို့ ပြုပြင်ဆောင်ရွက်

by Thinmbadm1n / Sep 26, 2018 / comments

နေပြည်တော် စက်တင်ဘာ  ၂၇

          နယ်စပ်ရေးရာဝန်ကြီးဌာန၊ နယ်စပ်ဒေသနှင့်တိုင်းရင်းသားလူမျိုးများဖွံ့ဖြိုးတိုးတက်ရေး ဦးစီးဌာနအနေဖြင့် နယ်စပ်ဒေသနှင့်တိုင်းရင်းသားလူမျိုးများအမြန် ဖွံ့ဖြိုးတိုးတက်ရမည်ဟူသော ဆောင်ပုဒ်နှင့်အညီ နယ်စပ်ဒေသဖွံ့ဖြိုးရေးလုပ်ငန်းများအား ဘဏ္ဍာနှစ်အလိုက် စဉ်ဆက်မပြတ် အကောင်အထည်ဖော် ဆောင်ရွက်လျက်ရှိသည်။

          ထို့အတူ ရခိုင်ပြည်နယ်၊ မောင်တောမြို့နယ်အတွင်း ၂၀၁၇-၂၀၁၈ ဘဏ္ဍာနှစ် နယ်စပ်ဒေသ ဖွံ့ဖြိုးရေး အရေးပေါ်ရန်ပုံငွေဖြင့် ဒေသအတွင်း အမှန်တကယ်လိုအပ်လျက်ရှိသော ကျီးကန်းပြင်-ပြင်ဖြူ-ကျောက်ပြင်ဆိပ် (၆/၃)မိုင် မြေသားလမ်း ပြုပြင်ထိန်းသိမ်းခြင်းနှင့် ကျောက်ခင်းလမ်း ပြုပြင်ထိန်းသိမ်းခြင်းလုပ်ငန်း၊ ငါးခူရ-လောင်းဒုံ-စေတီပြင်လမ်းဆုံ (၅/၁)မိုင် မြေသားလမ်းပြုပြင် ထိန်းသိမ်းခြင်းနှင့် ကျောက်ခင်းလမ်း ပြုပြင်ထိန်းသိမ်းခြင်းလုပ်ငန်းတို့အား သတ်မှတ်ကာလ အတွင်း စံချိန်စံညွှန်းများနှင့်အညီ ဆောင်ရွက်ခဲ့သည်။

          အဆိုပါလမ်းများမှာ မိုးသည်းထန်စွာရွာသွန်းမှု၊ တန်ပိုယာဉ်များ ဖြတ်သန်းသွားလာမှုများ ကြောင့် လမ်းပိုင်းအချို့ပျက်စီးမှုများဖြစ်ပေါ်ခဲ့ရာ နယ်စပ်ဒေသနှင့်တိုင်းရင်းသားလူမျိုးများ ဖွံ့ဖြိုး တိုးတက်ရေးဦးစီးဌာန၊ ဒုတိယညွှန်ကြားရေးမှူးချုပ် ဦးတင်ဝင်း ဦးဆောင်သောအဖွဲ့မှ အဆိုပါ လမ်းပိုင်းများ ပြန်လည်ပြုပြင်ဆောင်ရွက်နေမှု အခြေအနေအား ကွင်းဆင်းစစ်ဆေးခဲ့ပြီး ဒေသခံ ပြည်သူများအား လမ်းများရေရှည်အသုံးပြုနိုင်ရန်အတွက် သတ်မှတ်ထားသည့် ခံနိုင်ဝန်ရှိ ယာဉ်များသာ ဖြတ်သန်းမောင်းနှင်ခွင့်ပြုကြရန်နှင့် ဝိုင်းဝန်းထိန်းသိမ်း ဆောင်ရွက်ပေးကြရန် တိုက်တွန်းမှာကြားခဲ့ကြောင်း သတင်းရရှိသည်။