နယ်စပ်ရေးရာဝန်ကြီးဌာန GIS အခြေခံသင်တန်းဖွင့်ပွဲအခမ်းအနားကျင်းပ

by Thinmbadm1n / Jul 10, 2017 / comments

နေပြည်တော်၊ ဇူလိုင်လ ၁၀ ရက်

          နယ်စပ်ရေးရာဝန်ကြီးဌာန၊ နယ်စပ်ဒေသနှင့် တိုင်းရင်းသားလူမျိုးများ ဖွံ့ဖြိုးတိုးတက်ရေး ဦးစီးဌာနလက်အောက်ရှိ ပြည်နယ်/တိုင်းဒေသကြီး ဖွံ့ဖြိုးမှုကြီးကြပ်ရေးရုံးနှင့် ခရိုင်ရုံးများမှ အရာထမ်း၊ အမှုထမ်း (၁၃)ဦးတို့အား ပထဝီမြေပြင်ဆိုင်ရာအချက်အလက်များကို ကောက်ယူခြင်း၊ တိုင်းတာခြင်း၊ ခွဲခြမ်းစိတ်ဖြာခြင်း၊ သိမ်းဆည်းခြင်း၊ စီမံခန့်ခွဲခြင်းများ ပြုလုပ်ဆောင်ရွက်နိုင်သော စနစ်တစ်ခုဖြစ်သည့် (GIS) အခြေခံသင်တန်း သင်ကြားပို့ချခြင်း ဖွင့်ပွဲအခမ်းအနားအား ယနေ့နံနက် (၁၀) နာရီအချိန်တွင် အဆိုပါသင်တန်းခန်းမ၌ ပြုလုပ်ခဲ့သည်။

          ရှေးဦးစွာ နယ်စပ်ရေးရာဝန်ကြီးဌာန ဒုတိယအမြဲတမ်းအတွင်းဝန် ဦးအောင်ဖုန်းက အမှာစကားပြောကြားရာတွင် သင်တန်းတက်ရောက်သူများအနေဖြင့် ပို့ချပေးတဲ့ သင်တန်းစာ တွေကနေ ပိုမိုကောင်းမွန်တဲ့ အချက်အလက်တွေ စီမံကိန်းရေးဆွဲမှု၊ ဆန်းစစ်အကဲဖြတ်မှု၊ သုံးသပ်လေ့လာမှုစတာတွေကို ပြုလုပ်နိုင်မည်ဖြစ်ပါကြောင်း၊ ခေတ်စနစ်နဲ့ လိုက်လျောညီထွေ ဖြစ်တဲ့ သင်တန်းဖြစ်သလိုဌာနအတွက် များစွာအထောက်အကူပြုမှာဖြစ်ပါကြောင်း၊ သင်တန်း သားများအနေဖြင့် ပို့ချပေးလိုက်တဲ့ဘာသာရပ်တွေကို စိတ်ပါဝင်စားပြီး ကြိုးစားလေ့လာ သွားကြရန် မှာကြားခဲ့သည်။

          ဆက်လက်၍ လက်ထောက်အတွင်းဝန် ဦးစိုင်းထွန်းညိုမှ (GIS) စနစ်နှင့်စပ်လျဉ်း၍ ရှင်းလင်းမှာကြားခဲ့သည်။

          အဆိုပါ (GIS) အခြေခံသင်တန်းအား နယ်စပ်ရေးရာဝန်ကြီးဌာနရှိ (GIS) ကျွမ်းကျင် တတ်မြောက်ပြီးသည့် ဝန်ထမ်း (၅) ဦးတို့မှ (၁၀-၇-၂၀၁၇) ရက်နေ့မှ (၁၈-၇-၂၀၁၇) ရက်နေ့အထိ ဖွင့်လှစ်သင်ကြား ပို့ချပေးသွားမည် ဖြစ်ပါသည်။

          ဆက်လက်၍ အခြေခံသင်တန်းကာလ ပြီးမြောက်သွားပါကလည်း အဆင့်မြင့်သင်တန်း အဖြစ် (WFP) မှ ကျွမ်းကျင်ပညာရှင်များက (၂၀-၇-၂၀၁၇) ရက်နေ့မှ (၂၆-၇-၂၀၁၇) ရက်အထိ (GIS) အခြေခံသင်တန်းတက်ရောက်ပြီးသူ (၁၃) ဦးနှင့် နယ်စပ်ရေးရာဝန်ကြီးဌာနမှ ဝန်ထမ်း (၅) ဦး၊ စုစုပေါင်း (၁၈) ဦးတို့အား သင်တန်းပို့ချပေးသွားရန် စီစဉ်လျက်ရှိကြောင်းသိရှိရသည်။