နယ်စပ်ဒေသအသီးသီးမှ လေ့လာရေးအဖွဲ့ဝင်များ ဆဋ္ဌမအကြိမ်မြောက် နေပြည်တော်နှင့်ပတ်ဝန်းကျင် လေ့လာရေးခရီးစတင်

by Thinmbadm1n / Jan 28, 2019 / comments

နေပြည်တော်၊ ဇန်နဝါရီ ၂၈

          နယ်စပ်ရေးရာဝန်ကြီးဌာန၏ ချမှတ်ထားသောမူဝါဒ၊ ရည်မှန်းချက်၊ လုပ်ငန်းစဉ်များနှင့်အညီ နယ်စပ်ဒေသအသီးသီးမှ လူငယ်မောင်မယ်များကို နှစ်စဉ်ဖိတ်ကြားခေါ်ယူ၍ လေ့လာရေး ခရီးစဉ်များစီစဉ်ဆောင်ရွက်ပေးခဲ့ရာ ဇန်နဝါရီလ (၂၈) ရက်နေ့မှ (၃၁) ရက်နေ့အထိ နေပြည်တော်နှင့် ပတ်ဝန်းကျင်သို့ ဆဋ္ဌမအကြိမ် လေ့လာရေးခရီးစဉ် ရောက်ရှိလာကြသည့် နာဂကိုယ်ပိုင်အုပ်ချုပ်ခွင့်ရဒေသ၊ လဟယ်၊ နန်းယွန်းဒေသမှ လူငယ်မောင်မယ် (၃၀) ဦး၊ မွန်ပြည်နယ် သထုံ၊ ချောင်းဆုံဒေသမှ လူငယ်မောင်မယ် (၃၀) ဦး၊ ကချင်ပြည်နယ် မိုးကောင်း၊ မိုးညှင်းဒေသမှ လူငယ်မောင်မယ် (၃၀) ဦး၊ ရှမ်းပြည်နယ် (မြောက်ပိုင်း) လားရှိုး၊ ကွတ်ခိုင်၊ သီပေါဒေသမှ လူငယ်မောင်မယ် (၃၀) ဦး၊ တနင်္သာရီတိုင်းဒေသကြီး တနင်္သာရီ၊ ထားဝယ်ဒေသမှ လူငယ်မောင်မယ် (၃၀) ဦး၊ စုစုပေါင်း လူငယ်မောင်မယ် (၁၅၀) ဦး တို့သည် နယ်စပ်ဒေသနှင့် တိုင်းရင်းသားလူမျိုးများ ဖွံ့ဖြိုးတိုးတက်ရေး ဦးစီးဌာနမှ တာဝန်ရှိသူများ လိုက်ပါလျက် ယနေ့နံနက်ပိုင်းတွင် နေပြည်တော်ရှိ သတ္တသတ္တာဟ မဟာဗောဓိစေတီတော် (ဗုဒ္ဓဂါယာ) သို့ သွားရောက်ဖူးမြော်ကြည်ညိုခဲ့ကြရာ ဂေါပကအဖွဲ့က လိုက်လံရှင်းလင်းပြသပြီး လေ့လာရေး အဖွဲ့များမှ အလှူငွေများ ထည့်ဝင်လှူဒါန်းခဲ့သည်။

          ထိုမှတစ်ဆင့် လေ့လာရေးအဖွဲ့ဝင်များသည် စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီး ဌာန၊ စိုက်ပျိုးရေးသုတေသနဦးစီးဌာန၊ ရေဆင်းသို့ သွားရောက်၍ လေ့လာကြည့်ရှုခဲ့ရာ စိုက်ပျိုးရေး သုတေသနဦးစီးဌာနမှ တာဝန်ရှိသူတစ်ဦးက ကြိုဆိုနှုတ်ခွန်းဆက်စကား ပြောကြားပြီး စိုက်ပျိုးရေး သုတေသနဦးစီးဌာန ပေါ်ထွန်းလာပုံအား Video Projector ဖြင့် ရှင်းလင်း ပြသခဲ့သည်။ ထို့နောက် လေ့လာရေးအဖွဲ့ခေါင်းဆောင်မှ ကျေးဇူးတင်စကား ပြန်လည်ပြောကြားခဲ့ပြီး တာဝန်ရှိသူများက အဆင့်မြင့်နည်းပညာဖြင့် မြေလွှာမဲ့ဟင်းသီးဟင်းရွက်များ စိုက်ပျိုးဖြစ်ထွန်းနေမှုများ၊ စိုက်ပျိုးရေး သုတေသနမျိုးစေ့များအကြောင်း လိုက်လံရှင်းလင်းပြသခဲ့ပြီး လေ့လာရေးအဖွဲ့ဝင်များက သိရှိလိုသည် များမေးမြန်းခဲ့ကြသည်။

          ထို့နောက် လေ့လာရေးအဖွဲ့ဝင်များသည် မွန်းလွဲပိုင်းတွင် တိရိစ္ဆာန်ဥယျာဉ်နှင့် ဆာဖာရီဥယျာဉ်များသို့ သွားရောက်လေ့လာခဲ့ကြသည်။

          အဆိုပါ လေ့လာရေးအဖွဲ့ဝင်များသည် ဇန်နဝါရီလ (၂၇) ရက်နေ့ နံနက်ပိုင်း၌ နေပြည်တော်သို့ ရောက်ရှိခဲ့ကြရာ ရွာတော်တည်ခိုရေးနှင့် စစ်ကြောရေးစခန်းတွင် စနစ်တကျ နေရာချထားပေးပြီး ယင်းနေ့ ညနေပိုင်း၌ နယ်စပ်ရေးရာဝန်ကြီးဌာန၊ နယ်စပ်ဒေသနှင့်တိုင်းရင်းသား လူမျိုးများဖွံ့ဖြိုး တိုးတက်ရေးဦးစီးဌာန၊ ညွှန်ကြားရေးမှူးချုပ် ဦးရဲနိုင်နှင့် တာဝန်ရှိသူများက သွားရောက် တွေ့ဆုံ နှုတ်ဆက်၍ အိပ်ဆောင်များ၊ ထမင်းစားဆောင်များကို လိုက်လံကြည့်ရှု စစ်ဆေးကာ လိုအပ်သည်များ ဖြည့်ဆည်းဆောင်ရွက်ပေးခဲ့သည်။

          နယ်စပ်ရေးရာဝန်ကြီးဌာနအနေဖြင့် နယ်စပ်ဒေသအသီးသီးမှ လူငယ်မောင်မယ်များအား ဖိတ်ခေါ်၍ လေ့လာရေးခရီးစဉ်များ စီစဉ်ဆောင်ရွက်ပေးရသည့် အဓိကရည်ရွယ်ချက်မှာ တစ်အူ ထုံ့ဆင်း ညီရင်းအစ်ကို၊ မောင်ရင်းနှမများပမာ ကောင်းမွန်မှန်ကန်သော ခံယူချက်ဖြင့် ပြည်ထောင်စု စိတ်ဓာတ်၊ တိုင်းရင်းသားစည်းလုံးညီညွတ်ရေး စိတ်ဓာတ်များ ရှင်သန်ခိုင်မာလာစေရန်၊ နိုင်ငံတော် ဖွံ့ဖြိုးတိုးတက်မှုများကို မျက်ဝါးထင်ထင် လေ့လာတွေ့ရှိပြီး လေ့လာရေးခရီးစဉ်မှ ရရှိသည့် အတွေ့ကြုံ ကောင်းများကို မိမိတို့နယ်စပ်ဒေသများ ဖွံ့ဖြိုးတိုးတက်ရေး၊ လူ့စွမ်းအားအရင်းအမြစ်များ ဖွံ့ဖြိုးတိုးတက်ရေးတို့အတွက် ထိရောက်စွာ ပြည်လည်အသုံးချနိုင်ရန်ဟူသော ရည်ရွယ်ချက်များဖြင့် စီစဉ် ဆောင်ရွက်ပေးခြင်းဖြစ်ကြောင်း သတင်းရရှိသည်။